महामानव परम पूज्य डॉ. बाबासाहेब आंबेडकर यांना आम्ही जितके मानतो तितके त्यांच्या विषयी जाणत नाही. मी तर म्हणेन की आम्हाला 10 टक्के सुद्धा त्यांच्या बाबतीत माहीती नाही. फार कमी विद्वान आहेत ज्यांना डॉ. बाबासाहेबांविषयी माहीती असेल. ही बाब मला तेव्हा प्रकर्षाने जाणवायला लागली जेव्हा मी माझ्या सेवानिवृत्ती नंतर डॉ. बाबासाहेबांचे साहित्य (Dr. Babasaheb Ambedkar Writings And Speeches Vol. 1 to Vol. 22) वाचायला लागलो. बाबासाहेबांचे 95 टक्के मूळ साहित्य इंग्रजी भाषेत असल्यामुळे सर्वसाधारण माणूस त्याला वाचू शकत नाही. बहुतेक हेच कारण असावे कि आम्हाला डॉ. बाबासाहेबांच्या बाबतीत विशेष अशी माहीती नाही. म्हणून डॉ. बाबासाहेबांविषयी जास्तीत-जास्त माहीती एकाच पुस्तकात उपलब्ध करण्याचा मी प्रयत्न केला आहे. जेणे करून ह्या पुस्तकाच्या आधारे स्पर्धा परीक्षेचे आयोजन केल्या जाऊ शकेल आणि डॉ. बाबासाहेबांविषयी लोकांना थोडी फार माहीती मिळू शकेल. ह्याच एका उद्देशाने डॉ. बाबासाहेबांचे साहित्य (Dr. Babasaheb Ambedkar Writings And Speeches Vol. 1 to Vol. 22) वाचता-वाचता सर्व विषयांना समाविष करून `प्रश्नोत्तरी` (हिंदी आवृत्ती) फेब्रुवारी 2016 मध्ये प्रकाशित केली. `प्रश्नोत्तरी` ची रचना अशा प्रकारे केली गेली आहे की प्रत्येक वयोगटाकरिता स्पर्धा परीक्षा घेतली जाऊ शकेल. - भिमराव कोचे