PUSTAKMARKET

पुस्तकाचे नाव : मनोहरवाडी

1 Reviews write a review

₹200 ₹225

1 Book In Stock

Qty:

About Book
Review (0)

दुपार टळून गेली होती. सकाळच्या पहिल्या प्रहारापासून सुरू झालेली पावसाची झड नुकतीच थांबली होती. पावसाने सारा गाव, गावाच्या वाटा ओल्याचिव झाल्या होत्या. पाखरांचे पंख ओले झाले होते. झाडांच्या, वेलींवरच्या पानावरचं पाणी टपटप गळत होतं. पाण्यात पाखरं आपले पंख भिजवून घेत होते. पावसाचा आनंद लुटत होती. आता झाडावरची पाखरं अंगणात उतरली होती. गाई-बैलं गोठ्याबाहेर पडले होते. माणसं घराबाहेर आली होती. पाऊस पडून गेल्यामुळे आभाळ निरभ्र झालं होतं. सकाळपासून पावसाच्या काळ्या ढगात वेढलेला सूर्यनारायण आपल्या पुढच्या प्रवासाला निघाला होता. प्रकाशू लागला होता. ओलं वातावरण, ओली माती त्यात सूर्याची सोनेरी किरणं त्यामुळे मातीचा सुगंध मनाला मोहून घेत होता, त्याहून अधिक माणसांचं मन वेचून घेत होता तो आकाशात कमानीत उमटलेला सप्तरंगी इंद्रधनुष्य. केवढी किमया असते निसर्गात! केवढी जादू असते निसर्गात. गावाकडे पाऊस पडून गेल्यावर असा इंद्रधनुष्य दिसला की गावाकडची जुनी जाणती माणसं म्हणतात.