महापुरुषांच्या विचारांचा वारसा समाजात रुजविण्याच्या हेतूने DIARY OF LEGACY ही अनोखी संकल्पना आहे. महात्मा फुले यांचे जीवनकार्य जनमाणसांत पोहचविण्याच्या हेतूने हे डायरीवजा पुस्तक आपल्या हाती देत आहोत. हा विचारवारसा नव्या पिढीच्या हातात देऊन सामाजिक परिवर्तनाच्या प्रवाहात त्यांना सहभागी होण्याचे नवनवे मार्ग निर्माण करण्याच्या अनेक प्रयत्नांपैकी हा एक छोटासा प्रयत्न आहे. सामाजिक कार्यात सहभागी असणाऱ्या सर्वांनाच या डायरीचा उपयोग होईल, अशी आशा आहे. महात्मा फुले यांच्या जयंतीच्या द्विशताब्दी वर्षानिमित्त त्यांच्या क्रांतिदर्शी विचारांना कृतिशीलतेची जोड देण्याची आज खरी गरज निर्माण झाली आहे, अशी धारणा आम्हा सर्व संपादकांच्या मनात निर्माण झाली. त्यातूनच या एका अनोख्या उपक्रमाचा जन्म झाला. यासाठी अनेकांनी अनेक प्रकारे मार्गदर्शन केले, आमचा उत्साह वाढवला, या नव्या उपक्रमासाठी प्रोत्साहन दिले. या कामी अनेकांचे मोलाचे सहकार्य झाले. त्यासाठी सर्वांचे मनःपूर्वक आभार. सामाजिक, शैक्षाणिक क्षेत्रातील व्यक्ती व संस्थांकडून या उपक्रमास उत्तम प्रतिसाद मिळेल अशा आशेसह DIARY OF LEGACY: A Handbook for Sochial Change आपल्या हाती देत आहोत. - संपादक