PUSTAKMARKET

पुस्तकाचे नाव : शिवाजी कोण होता?

1 Reviews write a review

₹27 ₹30

1 Book In Stock

Qty:

About Book
Review (0)

महाराष्ट्राच्या इतिहासामध्ये छत्रपती शिवाजी महाराजांनी जी महत्त्वाची भूमिका बजावली त्याचे वेगवेगळे अन्वयार्थ लावण्याची परंपरा महाराष्ट्रामध्ये एकोणिसाव्या शतकात सुरू झाली. लोकहितवादी, म. जोतीबा फुले आणि न्या. म. गो. रानडे आणि नंतरच्या काळात इतिहासाचार्य राजवाडे आणि राजारामशास्त्री भागवत यांनी शिवाजी महाराजांच्या कार्याची वेगवेगळ्या दृष्टिकोनांतून मीमांसा केली. परंतु नंतरच्या काळात शिवाजी महाराजांच्या नावाचा वापर मोठ्या प्रमाणात समाजामध्ये जातीय वैमनस्य निर्माण करण्यासाठी होऊ लागला. शिवाजी महाराज हे हिंदूंचे राजे होते, त्यांनी मुसलमानी सत्तेचा निःपात केला आणि हिंदू राज्य स्थापन केले, ते गोब्राह्मणप्रतिपालक होते - अशा प्रकारची मांडणी विसाव्या शतकात लोकप्रिय झाली. ब. मो. पुरंदरे, गो. नी. दांडेकर, रणजीत देसाई आणि इतर अनेक लेखकांनी शिवाजी महाराजांची ही प्रतिमा जनमानसात चरित्र व ललित लेखनातून रुजविण्याचा प्रयत्न केला. तसेच चित्रपटमाध्यमांतून भालजी पेंढारकर यांनी याप्रकारचे प्रतिमान उभे केले. इतिहासाचीही पुस्तके त्यास अपवाद नव्हती. उदा. इयत्ता चौथीचे शिवाजी महाराजांवरील पुस्तक.