PUSTAKMARKET

पुस्तकाचे नाव : गिनिपिग

1 Reviews write a review

₹360 ₹400

1 Book In Stock

Qty:

About Book
Review (0)

भैंचोद, मी गाढ झोपेत, बायकोच्या कुशीत असताना त्या खुंखार उबगखो-याचा फोन आला. तरी मला डाऊट आला, तोच असणार! मी फॅमिलीसोबत दापोली बीचवर आलो होतो. त्याच्याकडं माझा नवीन नंबर कसा काय? मला प्रश्न पडला. मी फोन कट केला, पाच मिनिटांनी पुन्हा वाजला. तो नसेलही कदाचित, माझ्या अंगाला सुटणारा घाम, निवांत अशी मरगळ, रात्रीचा हँगओवर, किंचित झोपेचा अंमल, अवेळी मस्तकात भिडलेली तिडीक मागं सारून मी फूटभर उंचीवाल्या फोमच्या पांढऱ्या शुभ्र गादीवर तडक उठून बसलो. बाराण्यातले अकरा गेले, आठच उरले होते. बायको निस्सुर ऐदी घोरत होती, घम ना पस्तावा. तिच्या आजूबाजूला दोन्ही छोटी पोरं उताणेधट्ट, नाकातून शीळ वाजवत. दिवसभराचा समुद्रावरचा खारट थकवा, घेतलेला बंबार्ड खुराक एसीमध्ये जिरवत होते. बायको अघळपघळ, दोन्ही सांडकं दांडकं सोडून. त्यात फोन वाजल्यानं माझा डोळा खाडकन उघडला होता. मला त्याचा कोणताही संपर्क नको होता. मी फोन उचलताच तो मला म्हणाला, `गठ्या सुक्काळीना, फोनवर यायला एवढा वेळ? तंगडी धरीसन चिरी टाकसू तुले.` त्याच्या कातिलाना आतंकने माझी टाईट झाली. पार गीली आणि पीली व्हायची वेळ आली. तत-फफ, घाबरगुंडी, पोटात गहिरी जीवघेणी कळ गेली.