PUSTAKMARKET

Dr. Babasaheb Ambedkar Aani Indian National Congress

पुस्तकाचे नाव : डॉ. बाबासाहेब आंबेडकर आणि इंडियन नॅशनल काँग्रेस

1 Reviews write a review

₹50 ₹50

1 Book In Stock

Qty:

About Book
Review (0)

चवदार तळ्याचे पाणी प्याल्यानंतर अस्पृश्य वीरेश्वराच्या मंदिरात शिरणार अशी दवंडी पिटून हूल उठविण्यात आली. तेव्हा चार-पाचशे सवर्णांनी लाठ्याकाठ्या घेऊन परिषदेला आलेल्या अस्पृश्यांवर हल्ला चढवला आणि अनेकांना चोपून काढले. २१ मार्चला सवर्ण हिंदूंनी चवदार तळे पंचगव्यमिश्रित पाणी टाकून शुद्ध करून घेतले. मारहाणीच्या संदर्भात बाबासाहेबांनी नोंदविलेल्या तक्रारीनुसार सरकारने काही सनातनी स्पृश्यांवर खटला भरला. ३ एप्रिल १९२७ ला निघालेल्या बहिष्कृत भारत पाक्षिकाच्या पहिल्या अंकात बाबासाहेबांनी महाडला झालेल्या प्रकाराची हकिकत प्रसिद्ध केली. महाडचे एक काँग्रेस कार्यकर्ते चुनीलाल शेठ यांनी महाडच्या दंगलीची माहिती गांधीजींना कळवली तेव्हा २८ एप्रिल १९२७ रोजी `यंग इंडिया`त महात्माजींनी अस्पृश्यांनी महाडला दाखविलेल्या संयमाबद्दल त्यांची तारीफ केली आणि चवदार तळ्यावर पाणी पिऊन मुंबई कायदेमंडळ व महाड नगरपालिका यांनी केलेल्या ठरावांची कसोटी पाहण्याचा बाबासाहेबांचा उपक्रम पूर्णतया समर्थनीय असल्याचा अभिप्राय दिला. - डॉ. बाबासाहेब आंबेडकर आणि इंडियन नॅशनल काँग्रेस, पृ २६