PUSTAKMARKET

पुस्तकाचे नाव : न्हांगुळा आदार ईला!

1 Reviews write a review

₹126 ₹140

1 Book In Stock

Qty:

About Book
Review (0)

एखादी कविता समजून घेण्यासाठी वाचक म्हणून आपली काय पात्रता असावी? याचा विचार वाङ्मय व्यवहारात फारसा होत नाही. कारण वाचन ही एक सरळ, साधी गोष्ट आपण मानत आलेलो असतो. यापूर्वी कथा, कादंबऱ्यांतलं आणि कवितेतलं जग हे खूप सोज्वळ, सुंदर आणि सर्वार्थाने सुंदर राहत आलेलं असल्यामुळे ते समजून घेण्यासाठी वाचक म्हणून स्वतःला फार ताण द्यावा लागत नव्हता मात्र चार पाच दशकांपूर्वी सुर्वे, ढसाळ वगैरे कवींनी आणि नेमाडे वगैरे प्रभुतींनी पारंपरिक चर्चाविश्वाला छेद देत काही एक वेगळे वाचकांपुढे आणून टाकले. `अरे हे असं पण असतं ?` इत्यादी प्रश्न लोकांपुढे निर्माण झाले आणि मग चौकटबद्ध काव्यव्यवहाराला धक्का देणारे अनेक लेखक, कवी आणि त्यांचे प्रवाह रूढ झाले. आता हे प्रवाहही वाचकांच्या अंगवळणी पडले आहेत. कारण अनुकरणाच्याच फांदिला लटकून निर्मितीचे तकलादू बाण सोडणाऱ्या अनेक लेखक - कवींचा उदय या काळात झाला खरा पण ते आवर्तनाच्याच फेऱ्यात अडकल्यामुळे वेगळ्या कवितेची शक्यता जणू मावळून गेली. नाही म्हणायला सध्याच्या काळात पुष्कळच चांगली कविता लिहिली जात असली तरी `वेगळी` म्हणता येईल अशी कविता सध्या तरी समोर नाही.