युरोपात समाजवाद कोसळल्यापासून उरलेल्या कम्युनिस्टशासित देशांनी या पतनापासून घडे न घेता चीनच्या कम्युनिस्ट पक्षाने तर त्याच्या १६ व्या काँग्रेसमध्ये भांडवलदारी मार्ग स्वीकारला आहे.मन हे शरीरशास्त्रीयदृष्ट्याच जाणीवनेणीवेने बनलेले असताना आपले प्रमाणशास्त्र एकेरी प्रतिबिंबवादाचे ठेवणारा मार्क्सवाद समाजवाद उभारणारा नवमानव घडवू शकत नाही. एवढेच नाही, तर जात्यन्तक लोकशाही क्रांतीचे सुध्दा प्रबोधन करू शकत नाही. बौद्ध द्विनाग स्कूलने जाणीवनेणीवयुक्त प्रमाणशाख अनित्यतावादी तर्कशास्त्र व अब्राह्मणी सौंदर्यशास्त्र घडवलेले असल्याने मार्क्सवादाचा दार्शनिक आन्वेषणिक व सौंदर्यशास्त्रीय अपुरेपणा ते भरून काढू शकते. या दोन दर्शनाच्या संयोगातून तयार झालेला सौत्रान्तिक मार्क्सवाद हा जात्यन्तक लोकशाही क्रांती व समाजवाद उभारणी कशी करू शकतो ही मांडणी या पुस्तकात केली आहे. -शरद् पाटील