PUSTAKMARKET

पुस्तकाचे नाव : बुद्धाचे अर्थशास्त्र

1 Reviews write a review

₹150 ₹150

1 Book In Stock

Qty:

About Book
Review (0)

मानवी मनाच्या व्यवहारात एखाद्या विशिष्ट व्यवस्थेचे गृहित धरलेले नियम कुठल्याही एका अर्थव्यवस्थेत विशेषतः अनिर्बंधपणे, स्वतंत्रपणे वाढणाऱ्या अर्थव्यवस्थेत कुचकामी ठरतात. हेच रशिया, चीन आणि अमेरिकेतील अर्थव्यवस्थांच्या डळमळण्यामधून स्पष्ट झालेले आहे. म्हणजेच आर्थिक संकटे येणे, अर्थव्यवस्था उन्मळून पडणे, यात आर्थिक व्यवहारामागे जे मानवी मन आहे त्याचाच `हात` अधिक असतो. अॅडम स्मिथने आपल्या `वेल्थ ऑफ नेशन्स` या ग्रंथात ज्याला `अदृश्य हात` म्हटले आहे तो `अदृश्य हात` मानवी मन तर नाही ना? या प्रश्नानेच मग आम्हाला भंडावून सोडले. मानवी मनच जर आर्थिक व्यवहारात महत्त्वाचे असेल आणि आजचे सगळे आर्थिक प्रश्न हे माणसाच्या तारतम्यविरहित वर्तनाचाच परिपाक असल्याचे सगळेच मान्य करीत असतील तर या `मना`ला नियंत्रित करता येते काय? त्याच्या नियंत्रणाचा, त्याला काबूत ठेवण्याचा काही उपाय आहे काय? त्याच्या काही पाऊलवाटा भारतीय परंपरेत शोधण्याचा प्रयत्न केला असता त्याचा सुगावा बुद्धविचारात लागला आणि जसजसे खोलात जाऊ लागलो तसतशा त्या पाऊलवाटा महामार्गात बदलत गेल्याचे लक्षात आले.