भिन्न भिन्न भारतीय भाषेत लिहिणाऱ्या कवयित्रींची कविता `स्वकोश` मधून मराठीत पहिल्यांदाच एकचित उपलब्ध होत आहे. समकालीन भारतीय स्वी कवितेचा अभ्यास करण्यासाठी `स्वकोश` उपयुक्त आहेच त्यासोबतच वर्तमान मराठी कवितेचे भारतीय पातळीवर तुलनात्मक अध्ययन करण्यासाठीही हा संग्रह साहाय्यभूत ठरू शकतो.काश्मिरपासून केरळपर्यंत आणि गुजरातपासून नागालँडपर्यंत अशा विस्तृत प्रदेशातील भारतीय स्त्री` या कवितांमधून व्यक्त झाली आहे. तिचे व्यक्त होणे हे बहुआयामी आणि बहुस्तरीय आहे. त्यामुळे वाड्मयीन महत्तेसोबत सामाजिक, सांस्कृतिक आणि राजकीय दृष्टिकोनातूनही या अनुवादांचे महत्त्व असणार आहे. समकाळातील भारतीय स्त्रीचा बदलता अवकाश समजून घेण्याबरोबरच सामाजिक दस्तऐवज म्हणून या कवितांचे मोल अधोरेखित होते. स्त्रीकेंद्री आंदोलने, स्त्रीवादी विचार, स्वीसंबद्ध चिंतन आणि समकाळातील चळवळीला पूरक होईल, असे हे कविता लेखन आहे.पृथ्वीराज तौर आणि स्वाती दामोदरे या दोन महत्त्वाच्या अनुवादकांनी एकत्र येऊन केलेल्या या अनुसर्जनाला ऐतिहासिक महत्व आहे. मराठी कवितेचा परीघ विस्तारण्यास `स्त्रीकोश` हा काव्यानुवाद प्रकल्प निश्चितच हातभार लावेल असा ठाम विश्वास वाटतो.