PUSTAKMARKET

पुस्तकाचे नाव : काळोखाला दूर सारून...

1 Reviews write a review

₹126 ₹140

1 Book In Stock

Qty:

About Book
Review (0)

जीवन जगत असताना आपल्या अवतीभवती अनेक घटना, प्रसंग घडतात. मग ते प्रसंग सुख-दुःखाचे असो किंवा माणसांमधील द्वेषमत्सराचे असो, त्याचे आपण साक्षीदार असतो. या प्रसंगांनी एक संवेदनशील माणूस म्हणून आपण व्यथित होतो, अस्वस्थ होतो आणि या अस्वस्थतेमधूनच साहित्याची निर्मिती होत असते. "काळोखाला दूर सारुन..." या ललित लेखसंग्रहातील लेख वाचताना वाचकांनाही अशीच अनुभूती येईल. `हातातून वाळू निसटावी तसंच आयुष्य निसटून चाललंय. मोटेला बांधलेल्या बैलासारखं आपलं मागंपुढं होत कधी गोल-गोल फिरणं चालूच आहे अखंडपणे... आला दिवस अगतिक होत ढकलावा... अखेर आणखी एक दिवस भूतकाळात जमा झाला असं म्हणत निःश्वास टाकावा अन् पुन्हा एकदा सज्ज व्हावं नकळत येणाऱ्या क्षणाला सामोरं जाण्यासाठी काहीशा अनुत्सुकतेनंच` या चारच ओळी पण अवघं मानवी जीवन प्रतिबिंबीत करणाऱ्या आहेत. हातातून वाळूसारखं निसटणारं आयुष्य आणि बैलासारखं नुसतं राबणं या प्रतिमा, प्रतिकंच पुरेसे बोलके आहेत. वाचकाला विचारमंथन करायला लावणारे आहेत. माणसाचं माणसांशी वागणं, बोलणं लेखिका सहजतेने या लेखांतून अधोरेखित करते.