आयुर्वेद परदेशात जाण्याची एक मोठी परंपरा आहे. वैद्यराज सुनिल बी. पाटील यांना अमेरिकेतील काही राज्ये व शहरे, नेदरलँड, बेल्जियम, जर्मनी, सिंगापूर, थायलंड, मलेशिया, नेपाळ, दुबई, श्रीलंका, सर्बिया, हंगेरी, ऑस्ट्रिया, स्लोव्हाक रिपब्लिक, झेक् रिपब्लिक, इंग्लंड, कॅनडा, फ्रांस आदी देशात आयुर्वेद प्रसारासाठी जाण्याची संधी मिळाली. जपान, सर्बिया, डेन्मार्क, बेल्जियम, ब्राझील, मलेशिया येथील डॉक्टर्स, विद्यार्थी त्यांच्याकडे आयुर्वेद शिक्षणासाठी येऊन गेले. `केल्याने देशाटन पंडीत मैत्री सभेत संचार । मनुजा चातुर्य येतसे फार।।` असे एक सुभाषित आहे. वारकरी जसा दर आषाढी, कार्तिकी एकादशीला पंढरीची वारी करतो आणि विठूरायाच्या दर्शनाने तृप्त होतो, त्याचप्रमाणे दरवर्षी आयुर्वेद प्रचाराच्या वारीत खांद्यावर आयुर्वेदाचा झेंडा घेऊन जगाच्या कानाकोपऱ्यात वैद्यराज सुनिल पाटील यांनी `आयुर्वेदयात्रा` केली आहे. या यात्रेचा वृत्तांत एकत्रितपणे `आयुर्वेदयात्री` या पुस्तकाच्या रुपाने सादर केला आहे.