स.न.वि.वि. हे पुस्तक जनतेचे अश्रू पुसण्यासाठी लिहिले आहे. माणूस आयुष्यभर निरोगी राहावा, प्रत्येकाचे जीवन आनंदी जावे व तो सुखात, समाधानात व ऐश्वर्यात कसा राहील, याचे अभ्यासपूर्ण वर्णन या पुस्तकात केले आहे. छोट्या आजारांवर उपाय काय करावेत, याची माहिती देऊन आजारातून मुक्ततेचा मंत्रही दिला आहे.या पूर्वी माझी "युगपुरुष अण्णा हजारे आणि लोकशाही धुक्यातून धोक्याकडे" ही दोन पुस्तके प्रकाशित झाली. या पुस्तकांना वाचकांनी भरभरून प्रतिसाद दिला. महाराष्ट्र सरकारने युगपुरुष अण्णा हजारे या पुस्तकाची निवड उत्तम पुस्तकात केली. आजही या पुस्तकाला प्रचंड मागणी आहे.माझे पुढील पुस्तक "मी कसा घडलो" या विषयी लिखाण चालू आहे. आदर्श जीवनाचा लेखाजोखा सत्य स्थितीवर लिहीत आहे. हे लिखाण करताना मी हा संदेश देण्याचा प्रयत्न केला आहे की, माणूस जन्माला येताना बरोबर काही घेऊन येत नाही, जाताना काही घेऊन जात नाही. म्हणून आपले जीवन आपण कसे जगावे याचे उत्तर पुढील पुस्तकात वाचकांना सापडेल. - कृष्णनाथ उर्फ के. डी. पवार