`तमाशा` ही मराठी माणसांची कला आहे. तमाशाने कधीही उच्चभूंचे बोट पकडले नाही. ना कधी त्याने तथाकथित भ्रष्ट अभिरुचीचे अनुकरण केले ना कधी बाह्याविष्कार घडविला. बंदिस्त अभिनयाचे मुखवटे ह्या तमाशाने केव्हाच झुगारून दिले होते. कृत्रिमतेची सोबत त्याने कधीही केली नाही. सामान्य माणसांची ही कला असामान्य होती. कारण ती बंदिस्त नव्हती. तमाशा म्हणजे मुक्तनाट्य. लोकजीवन आणि लोकसंस्कृतीचे प्रत्ययकारी दर्शन घडविणान्या ह्या कलेची स्वतंत्र रंगभूमी होती. त्या रंगभूमीचा ताळेबंद, हिशेब डॉ. रुस्तुम अचलखांब ह्या संशोधनदृष्टी असलेल्या साक्षेपी अभ्यासकाने आपल्या ग्रंथात मांडला आहे, त्याबद्दल त्यांचे मनःपूर्वक अभिनंदन !