पाच खंडाचा हा ग्रंथातून भारतीय कुंभार समाजाचा प्रातिनिधीक माहितीचा ग्रंथ सामाजिक जीवन जाणिवांची गतिशील प्रेरणा ठरेल. यादृष्टीने या सुमारे १६०० पानांचा चित्रासह युक्त असलेला कुंभार समाजाचा चालता-बोलता ज्ञानकोश ठरावा या अनुषंगाने पहिला खंड `कुंभार समाजाची माहिती, ऋषीमुनी परंपरा, संत महंत, राजेघराणे, रामायण, महाभारतकालीन, शिवकालीन, मावळे, सरदार, राजे, परंपरा, कुंभाराच्या पाऊलखुणा, कुंभाराचे लोकमानस इत्यादी`चे साधार संदर्भ दिले आहेत कुंभार उत्पत्ती आणि इतिहास या दुसऱ्या खंडात `कुंभ अर्थ, कुंभकलश, कुंभाराची उत्पत्ती, मृदू भांड्यांचा इतिहास`. खंड तीनमध्ये `कुंभार समाज शहर, प्रांत इतिहास` भारतातील विविध राज्ये, संस्थाने, महत्त्वाची शहरे, प्रांत इत्यादींचा संक्षिप्त स्वरूपात माहिती दिली आहे. खंड चारमध्ये `कुंभार समाज व्यक्तिपर लेख इत्यादी` मध्ये कुंभार समाजविषयक लेख, ओबीसी इतर विषयक लेख, सर्व क्षेत्रांतील व्यक्तीविषयी लेख, कुंभार समाजासाठी विविध उपक्रम उद्योग व व्यवसाय संदर्भात, नवनवीन शासकीय उपक्रम इत्यादींची माहिती दिली आहे. पाचव्या खंडात `कुंभार समाज संस्कृती आणि संस्कृती` मध्ये कुंभार समाजातील रूढी, परंपरा, श्रद्धा, सण, उत्सब, लोकगीत परंपरेतील डहाका (डाका) विषयक माहिती, म्हणी, उखाणे यातून दिसणारी संस्कृती, त्यातील भाग म्हणून युवती, महिला प्रश्न-समस्या चर्चा, स्वातंत्र्य सैनिक आणि संत महंत चरित्र, कुंभारांची काही आत्मकथने यांची माहिती दिली आहे. -प्रा. डॉ. प्रकाश कुंभार (संपादक)