या ग्रंथात ज्यांना मी गुरूस्थानी मानते अशा ज्येष्ठांपासून ते माझ्या पुढच्या पिढीतल्या उमद्या लिहित्या हातांपर्यंत आणि माझ्या पिढीसह एकूण तीन पिढ्यापर्यंतचे लेखक, कलावंत एकत्र येऊन दया पवारांच्या लेखनाकडे आपापल्या साक्षेपी भिंगातून निरखून पाहात आहेत. उभ्या-आडव्या महाराष्ट्रातील आणि महाराष्ट्राबाहेरील मराठी वाचकांना, विशेषतः दया पवारांवर प्रेम करणाऱ्या त्यांच्या चाहत्यांना, अभ्यासकांना, समीक्षकांना हे `सुत्त` नक्की भावेल, अनेक अर्थांनी महत्त्वाचं वाटेल, अशी आशा वाटते. - डॉ. प्रज्ञा दया पवार