अखिल भारतीय मराठी साहित्य संमेलनाबरोबरच दरवर्षी छोटी विभागीय, ग्रामीण, दलित-आंबेडकरवादी, प्रादेशिक स्तरावर विविध साहित्य संमेलने आयोजित केली जातात. त्यांच्या नोंदी घेऊन त्यावर एक ग्रंथ व्हावा, असे गेल्या काही वर्षांपासून वाटत होते. त्यानुसार सूची करीत राहिलो. पदव्युत्तर एम. ए. मराठी वर्गातील विद्यार्थ्यांसाठी, तसेच सर्वसामान्य साहित्यप्रेमी वाचकांसाठी हा ग्रंथ उपयुक्त ठरेल, असा विश्वास वाटतो. या ग्रंथातील तपशील, माहिती, नोंदी जुन्या आहेत. ह्यातील सूची आणि नोंदी परिपूर्ण, अचूक व सर्वसमावेशक नाही, याची जाणीव आहे. तरीपण पुढील काळात ह्या विषयावर मेहनत घेऊन अद्ययावत सर्वसमावेशक ग्रंथासाठी इच्छुक संशोधक व्यक्तींना ह्यातील नोंदी व सूची मार्गदर्शक ठरतील. ह्या संमेलनातील अध्यक्षीय भाषणांवर व एकूण वेगवेगळ्या संमेलनांवर स्वतंत्रपणे ग्रंथ होईल ! जिज्ञासूंनी याकडे लक्ष दिले पाहिजे. -डॉ. मधुकर गणेश मोकाशी