`आदिवासी जीवन, संस्कृती आणि साहित्य` हा ग. शां. पंडित यांचा ग्रंथ आदिवासींची समग्र सांस्कृतिकता कवेत घेणारी साहित्यकृती आहे. प्रस्थापित व्यवस्थेत जन्मलेले लेखक पंडित आदिवासींच्या जीवनाशी एकरूप झाले. `हाकारा` या आदिवासींच्या मासिकाचे संपादन पंडितांनी अनेक वर्षे केलेलं आहे. त्यामुळे त्यांच्या जीवन, साहित्य व संस्कृतीचा जवळून बेघ घेण्याची संधी त्यांना मिळाली. त्याच अनुभवावर व अभ्यासावर या ग्रंथाची समग्रता त्यांनी पेलून नेलीय. विविध प्रकल्पांच्या माध्यमातून पंडितांनी 15-20 वर्षे रायगड ते गडचिरोली या महाराष्ट्राच्या आदिवासी समाजात काम केले आहे. `हाकारा` ची सोबत आणि संपादक म्हणून त्यांनी सुमारे 30 वर्षे काम पाहिले आहे. म्हणूनच आदिवासींचे सर्वार्थाचे `अंतरंग` आकळण्याचे सामर्थ्य या लेखकात आले. बिगर आदिवासीमध्येही संवेदना आणि विवेक असतो, याचे दर्शन ग. शां. पंडितांच्या या ग्रंथलेखनातून होते.-श्रीपाल सबनीस