PUSTAKMARKET

पुस्तकाचे नाव : ऐन विणीच्या हंगामात

1 Reviews write a review

₹225 ₹250

1 Book In Stock

Qty:

About Book
Review (0)

मी कविता नसती लिहिली तरी मराठी काव्यविश्व आहे तेवढं समृद्धच असतं. मी कविता लिहितोय आणि पुस्तकरूपात त्या तुमच्यापर्यंत पोहोचत आहेत त्यानेही फार तर समुद्रात एखाद्या थेंबाची भर असू शकेल. पण मी कविता नसती लिहिली तर आज मी असतो की नसतो ते मात्र नक्की नाही सांगता येत. असतो तरी आज जो जसा आहे तसा नसतो हे नक्कीच. पण मी जे काही लिहिलंय ती कविताच आहे एवढा विश्वास मात्र मला जरूर आहे. आयुष्याने पुढ्यात मांडलेला संघर्ष खूप वेगळा होता असे मी म्हणणार नाही, पण तो जीवघेणा होता. त्या प्रवासात कवितेची सोबत मला जिवंत राहण्यासाठी मोलाची होती. आयुष्यानं मांडलेल्या छळवादाचं विरेचन म्हणून कविता माझ्यापर्यंत आली आणि उमलत राहिली. तशी ती आत होतीच, पण मी भोगलं नसतं तर कविता नसती आली आणि ती नसती आली तर भोगवट्यानं मला गिळून टाकलं असतं हेही तेवढंच खरं. म्हणूनच आज मी आहे आणि सोबत माझी कविताही. मी जे काही लिहिलं ते चांगलं की सुमार ते आपण वाचकांनी ठरवावं, याबद्दल मी बोलणार नाही पण मी जे मांडलं ते उपरं नाही, काल्पनिक नाही, ते जगण्या- भोगण्यातून आणि अंतःकरणाच्या तळातून आलंय.