PUSTAKMARKET

पुस्तकाचे नाव : पितळ

1 Reviews write a review

₹135 ₹150

1 Book In Stock

Qty:

About Book
Review (0)

संजय दोबाडे यांचा पितळ हा पहिलाच कथासंग्रह. त्यांच्या कथा ग्रामसमाजातील व्यथा-वेदना वलयांकित करणाऱ्या आहेत. मूलभूत गरजांसाठी जीवनसंघर्ष करणाऱ्या गाव-पाड्यातील मानवी समूहाचं मरण कसं अध्वस्त / स्वस्त आहे याचं अत्यंत क्लेशदायी वास्तव या कथांमधून चित्रित होतं. दारिद्रय, अधंश्रध्दा, पुरुषी अहंकार, व्यासनाधिनता, जीवघेणी सूडभावना हा कार्यकारणभाव या कथांच्या केंद्रस्थानी आहे. ओघवती परंतु अस्सल ग्रामीण भाषा, उसण्या अनुभवा ऐवजी स्वानुभावातून वेचलेली कथाबीजं, कथानकातील निर्लेप प्रवाही बाज, लघु कथाविश्व परंतु वाचकाची घुसमट वाढविणारी परिणामकारकता आणि लेखकाची दुःखभोगी माणसांच्या प्रती असलेली आस्था हे प्रमुख विशेष कथासंग्रहाचे आहेत. रंजकता हे सूत्र या कथासंग्रहाचं नाही तर दुःख बेटांवरील विविध मरण गाथांमधून वाचक अंतर्मुख व्हावा ही सुप्त धारणा कथाकाराची आहे. माणसाच्या बाजूने संवेदनशील कथाविष्कार म्हणूनही अधोरेखीत आहे. - प्रा. गंगाधर अहिरे.